Miguel Anxo Fernán-Vello falará da significación e importancia da obra poética de Neira Vilas o 23 de marzo ás 19:30 horas no Ateneo de Santiago de Compostela, no marco do convenio suscrito entre esta entidade e a Fundación Xosé Neira Vilas. Fernán-Vello foi editor, a través de Espiral Maior, de dous libros de poemas do autor cruceño: Poesía recadada (1998) e Dende Gres (2004).

Antes de Memorias dun neno labrego (1961), foi o libro de poemas Dende lonxe, publicado en 1961 en Buenos Aires no selo Follas Novas, que crearan Neira Vilas e Anisia Miranda, con cuberta de Luis Seoane e prólogo de Rafael Dieste. Ao longo da súa traxectoria, a poesía sempre tivo un oco, en novos poemarios pero tamén na obra en prosa. En 1969, aparece Inquedo latexar, na colección Val de Lemos, de Edicións Xistral. Un ano antes, "Bágoas e outros poemas" publícase na revista Papeles de Son Armandáns.

Máis información en ATENEODESANTAGIAGO.GAL