PREMIO XOSÉ NEIRA VILAS 2023
- Detalles
A Fundación Xosé Neira Vilas convoca, na súa oitava edición, o Premio Xosé Neira Vilas de Novela Curta para obras en lingua galega destinadas ao público infantil e xuvenil, e que está dotado con 1.000 euros e a edición do texto.
O prazo de presentación de orixinais está aberto ata o 9 de outubro de 2023 e estes deberán ser inéditos e ter un mínimo de 50 páxinas e un máximo de 150, mecanografados en letra Times New Roman de corpo 12 e a dobre espazo.
O premio entregarase o 3 de novembro de 2023, coincidindo co aniversario do nacemento de Xosé Neira Vilas e co Día da Lectura.
As bases completas poden consultarse nesta ligazón:DESCARGAR AS BASES DO PREMIO
Fóra de rexistro, de Virxilio Rodríguez, preséntase nas Insuas de Gres
- Detalles
As Insuas de Gres acollen, un ano máis, a presentación da obra gañadora do Premio Xosé Neira Vilas de Novela Curta. O acto ten lugar o sábado 29 de xullo, ás 19. 00 h. Fóra de rexistro, de Virxilio Rodríguez Vázquez, foi a elixida na edición do citado galardón no ano 2021 por parte dun xurado formado por Juan Andrés Fernández, Henrique Neira e Armando Requeixo.
Encontro literario con Ledicia Costas
- Detalles
A escritora Ledicia Costas estará na Fundación Xosé Neira Vilas o vindeiro 30 de xuño ás 18.00 h., nunha visita enmarcada nos Encontros Literarios en Gres, para compartir co público asistente a súa experiencia na escrita para o público
infantil e adulto, os seus métodos de traballo ou a pegada da obra de Neira Vilas na súa produción literaria.
Ledicia Costas é unha das autoras en lingua galega que máis éxito está acadando entre a crítica e o público lector nos últimos anos, como quedou demostrado, por exemplo, con títulos como Infamia (2019). Autora ou coautora de máis de 45 libros de literatura infantil e xuvenil, poesía e narrativa para persoas adultas.
Gañadora de 24 premios literarios, entre eles hai que salientar o Premio Nacional de Literatura infantil e xuvenil de España en 2015, pola obra Escarlatina, a cociñeira defunta e os tres Premio Lazarillo que recibiu polas novelas Jules Verne e a vida secreta das mulleres planta, A balada dos unicornios e A lebre mecánica. O seu galardón máis recente é o Premio de Poesía Afundación, por Ultraluz, que lle foi concedido en 2022.
