- Detalles
A Fundación Xosé Neira Vilas e a Editorial Galaxia, coa colaboración da Consellería de Cultura, Lingua e Xuventude da Xunta de Galicia, convocan a segunda edición do premio que leva o nome do autor de Memorias dun neno labrego. Trátase dunha iniciativa que ten como obxectivo estimular a creación literaria, fomentar a lectura en lingua galega e proporcionar ao público xuvenil obras de calidade que o acheguen aos mundos da ficción e a imaxinación da novela.
- Detalles
A homenaxe que cada ano tributa a fundación a Anisia Miranda terá lugar o luns 13 de outubro, ás 17.00 h., na sede da entidade en Gres. Uníndose á convocatoria feita pola Biblioteca Nacional con motivo do Día das Escritoras, e baixo o lema “16 anos lembrando a Anisia”, leranse textos de diversas autoras nas catro linguas do estado, ademais, por suposto, da propia homenaxeada. Ademais, o acto contará coa actuación musical do cantautor, e tamén escritor, Francisco Castro.
- Detalles
A Fundación Xosé Neira Vilas, cn colaboracón coa asociación GALIX e a emprea Deleite, convoca unha nova edición do Premio Arume de Poesía para a Infancia. O 15 de novembro remata o prazo para a recepción de orixinais que concorran a esta cuarta edición. O galardón conta cunha dotación de 1000 euros e será publicado por Edicións Embora. As obras candidatas, de temática libre e acaída para un público infantil e xuvenil, terán unha extensión mínima de 350 versos e poderán conformar un só poema ou un grupo de poemas. A entrega do premio terá lugar o 12 de decembro de 2025.
- Detalles
A viveza dos diálogos, o uso intelixente dos recursos escénicos e o hábil emprego do humor son algunhas das cualidades que salientou o xurado desta cuarta edición do galardón, que conta co apoio e a colaboración da Secretaría Xeral de Cultura da Xunta de Galicia. Dito xurado estivo composto polos membros do Padroado da Fundación Pilar Sampedro e Fernando Redondo, xunto co dramaturgo e académico da RAG Euloxio Ruibal.
- Detalles
A Fundación Xosé Neira Vilas convoca a cuarta edición do Premio Anisia Miranda de Teatro para a Infancia co apoio da Dirección Xeral de Cultura da Xunta de Galicia. A imaxe gráfica do premio é unha creación do ilustrador e artista, recentemente falecido, Xosé Vizoso, quen tivo como mestre a Isaac Díaz Pardo, foi deseñador de Sargadelos e formou parte da padroado da Fundación Xosé Neira Vilas. Os orixinais, escritos en lingua galega, terán un máximo de 30.000 caracteres e deben enviarse ao enderezo electrónico Este enderezo de correo está a ser protexido dos robots de correo lixo. Precisa activar o JavaScript para velo., seguindo as indicacións contidas nas bases para asegurar o anonimato das propostas. O prazo para o envío remata o 15 de abril e o acto de entrega terá lugar o 18 de maio, de tal xeito que a fundación que leva o nome do autor de Gres se une así á celebración da semana das Letras Galegas.
Páxina 2 de 13