- Detalles
- Detalles
O vindeiro 3 de Novembro celébrase o Día de neira Vilas. Dende as 17.00 h farase unha lectura continuada de Memorias dun neno labrego ata ler o libro enteiro na sede da Fundación.
- Detalles
A Fundación Xosé Neira Vilas convoca a segunda edición do Premio Anisia Miranda de Teatro para a Infancia co apoio da Secretaría Xeral de Cultura da Xunta de Galicia. Lógrase, deste xeito, atender a unha certa carencia que se viña observando no sistema literario galego no tocante a certames que impulsaran a creación de textos dramáticos para os nenos e nenas. Noutra orde de cousas, a imaxe gráfica do premio é unha creación do ilustrador e artista Xosé Vizoso, quen tivo como mestre a Isaac Díaz Pardo, foi deseñador de Sargadelos e, na actualidade, forma parte do padroado da Fundación Xosé Neira Vilas.
- Detalles
A escritora Anisia Miranda, quen fora fundadora e vicepresidenta da Fundación Xosé Neira Vilas, será obxecto dunha homenaxe o próximo 18 de outubro ás 18.45 en Gres. Baixo o lema “Doce anos lembrando a Anisia”, a nosa fundación únese á iniciatiava da Biblioteca Nacional de conmemorar nesta xornada o “Día das Escritoras”, sendo unha das seis entidades que, en Galicia, se adhiren a esta celebración.
- Detalles
Plarapluie, de Ramón D. Veiga, e A flor da letra, de Manuel López Rodríguez, resultaron gañadores do Premio Arume de Poesía para a Infancia que promoven conxuntamente a Fundación Xosé Neira Vilas, a asociación GÁLIX e a empesa Deleite.
Os poemarios premiados, que serán publicados pola editorial Embora, comparten unha mesma arela provocativa, arriscada e de notable creatividade.
Plarapluie, de Ramón D. Veiga, que xa conta cunha boa cantidade de obra infantil (Violeta quere ser vampiro, É tempo de Enroido!, A araña que lles tiña medo ás arañas, Meigas fóra! e Non pare a festa) é un libro divertido e provocador no que se busca a risa pola extravagancia e a complicidade cos pequenos lectores e lectoras.
Páxina 6 de 10