- Detalles
A Fundación Xosé Neira Vilas xunto con GÁLIX (Asociación Galega do Libro Infantil e Xuvenil) e co patrocinio de Deleite, convocan o Premio Arume de Poesía para a Infancia co obxectivo de recoñecer a calidade literaria de textos poéticos creados para nenos e nenas e fomentar a lectura de poesía entre este lectorado.
O prazo de admisión de orixinais remata o 3 de novembro de 2022, Día de Neira Vilas e Día do Lector e a Lectora. A entrega do premio terá lugar o 17 de decembro de 2022, Día da Edición.
A Fundación Xosé Neira Vilas, GÁLIX, suman esforzos para manter vivo o certame literario, xa que contan co patrocinio de Deleite, unha empresa galega recoñecida polo seu compromiso coa calidade do seu produto, mais tamén coa identidade do mesmo, coa lingua e coa cultura, coa nosa literatura, co noso cinema, co noso teatro, coa nosa música e con todas e cada unha das actividades e proxectos nos que a combinación sexa cultura / lingua galega – infancia / xuventude.
- Detalles
O galardón será entregado o 3 de novembro coincidindo coa conmemoración do Día de Neira Vilas, unha data na que tamén se celebra o Día do lector e da lectora no Calendario Escolar da Lectura
O “Premio Xosé Neira Vilas de novela curta” ten unha dotación económica de 1.000 euros, ademais da edición da obra galardoada. Os orixinais terán un mínimo de 50 páxinas e un máximo de 150, mecanografados en letra “Times New Roma”, corpo 12 e dobre espazo.
Este certame busca estimular a creación literaria, fomentar a lectura en lingua galega e proporcionar ao público en xeral obras de calidade que lles permitan achegarse ao engaiolante mundo da novela.
- Detalles
O novelista Miguel Anxo Fernández será o primeiro convidado nesta nova xeira
A Fundación Xosé Neira Vilas retoma os Encontros Literarios en Gres coa presenza do historiador, crítico cinematográfico e novelista Miguel Anxo Fernández. O encontro terá lugar o domingo 26 de xuño ás 19.00 horas na Casa do Romano, sede da Fundación en Gres.
Miguel Anxo Fernández ten destacado como autor de novela negra, xénero ao que se adscriben as seis entregas que saíron á luz ata o de agora. Da primeira delas, Un nicho para Marilyn (Premio Manuel García Barros 2002), cúmprense precisamente agora vinte anos. Logo virían, Luar no inferno (2006), Tres disparos e dous friames (2008), Lume de cobiza (2011), Bícame, Frank (2013) e Un dente sen cadáver (2016). Todas elas están protagonizadas polo detective Frank Soutelo, un detective californiano de orixe galega, e todas están publicadas pola Editorial Galaxia. Para o próximo outono está prevista a saída do novo título da serie: A conxura dos sete.
- Detalles
Travesía unicornio, gaña esta primeira edición do galardón convocado pola Fundación Xosé Neira Vilas en colaboracion coa Secretaría Xeral de Cultura da Xunta de Galicia. A obra premiada, que presenta un alto valor literario como unha das súas primeiras cualidades, parte dunha situación moi teatral para pór en escena unha peza que se vai desenvolvendo cara o absurdo. Cómpre salientar, á súa vez, o tratamento levado a cabo do valor da amizade, abordado con profundiade e sen dogmatismos, como tamén se pón o acento sobre a condición de xénero, a identidade ou o valor da diferenza na caracterización feita dos personaxes. Estes son algúns dos trazos máis salientables de Travesía unicornio, a xuízo dun xurado composto por Dolores Vilavedra, Pilar Sampedro e Miguel Anxo Fernán Vello, que tomou a decisión por unanimidade sobre un total de vinteún orixinais presentados ao certame.
Fotografía de Santiago Garrido
- Detalles
Ramón D. Veiga, por Parapluie, e Manuel López Rodríguez, por A flor da letra, recolleron o 17 de decembro en Santiago os galardóns do Premio Arume de Poesía para a Infancia que promoven conxuntamente a Fundación Xosé Neira Vilas, a asociación GÁLIX e a empresa Deleite. Os libros premiados nesta edición serán editados por Edicións Embora.
Páxina 5 de 11